«Балақай» балабақшасы 2022 жылдың мамыр айында өз жұмысын бастады. Сол уақыттан бері балабақша аралас топ форматында тұрақты жұмыс жасап келеді. Балабақшамызда балалардың жан-жақты дамуына қажетті барлық жағдай жасалған. Топтар қажетті жиһаздармен, оқу-ойын құралдарымен және балалардың жас ерекшеліктеріне сай материалдармен толық жабдықталған. Біз оқу-тәрбие үдерісінде әртүрлі заманауи әдістемелер мен дамыту технологияларын тиімді пайдаланып, әр баланың жеке қабілеті мен қызығушылығын ескеруге тырысамыз. Осы уақыт аралығында көптеген бүлдіршіндерді қабылдап, олардың тәрбиесіне, дамуына, білім алуына және әлеуметтік дағдыларының қалыптасуына өз үлесімізді қосып келеміз. Біздің басты мақсатымыз – әр баланың өзін қауіпсіз, еркін әрі бақытты сезінетін, білім алуға және жаңа нәрселерді үйренуге қызығушылығы артатын орта қалыптастыру. Бала – біздің басты құндылығымыз. Әр бүлдіршінге мейіріммен қарап, оның бойындағы қабілеттерді ашуға, өзіне деген сенімін қалыптастыруға және бақытты балалық шағын қамтамасыз етуге ұмтыламыз. Біз үшін маңызды: • қауіпсіз әрі жайлы орта; • балаға деген жеке көзқарас; • сапалы тәрбие мен дамыту жұмыстары; • ойын арқылы үйрету; • шығармашылық қабілеттерді дамыту; • баланың қарым-қатынас және өзіне-өзі қызмет ету дағдыларын қалыптастыру; • ата-анамен тығыз байланыс; • мейірімді және қолайлы психологиялық орта. «Балақай» – әр баланың балалық шағы қуанышқа, достыққа және жаңа жетістіктерге толы болатын мекен!